ක්‍රිකට් තරග පාවාදීම්

මහත්වරුන්ගේ ක්‍රීඩාවේ මහත්මා ලක්ශන හා ක්‍රීඩාව තුල පවතින රීති පද්ධතීන් වර්තමාන ක්‍රීඩාවෙන් බොහෝදුරටඉවත්වී ඇති දක්නට ලැබෙනවා.ක්‍රීඩාවට මුදල් ගලා ඒම ක්‍රීඩාවේඅවභාවිත රැසකට මුලික වී ඇති අතර  ක්‍රීඩාශීලීත්වයෙන් තොරව කෙසේ හෝ ජයගැනීමේ  අදිටන  පමනක්  අද ක්‍රිකට් ක්‍රීඩාව බවට පත්වී ඇති බව කනගාටුවට කරුනක්. 

ඒ වගේම තරග පාවාදීම් පවා වර්තමානය තුල විශාල වශයෙන් දක්නට ලැබෙනවා.ක්‍රීඩකයන් පමනක් නොව විනිසුරුවරුන්, කන්ඩායම් කලමනාකරුවන් පවා බුකී කරුවන්ගේ රැහැනට හසුවූ  අයුරු අපට ගෙවුනු වසර කීපය තුල දක්නට ලැබුනා. විශේශයෙන්ම ආසියාතිකරයේ පැවැත්වෙන ක්‍රිකට් තරග සදහා බුකී කරුවන්ගේ අවදානය වැඩිපුර යොමුවන බවද නොරහසක්. එමෙන්ම තරග පවාදීම් සදහා දඩුවම් ලැබූ බොහොමයක් ක්‍රීඩකයන්ද ආසියාතිකයන්. මේ සටහන තරග පාවදීම් සදහා දඩුවම් ලැබූ ක්‍රීඩකයන් පිලිබදවයි. 

1. සලීම් මලික් ( පකිස්තානය) - තරගා පාවාදීමට අල්ලස් ලබාගැනීමේ චෝදනාව මත 2000 වසරේදී අතඩංගුවට පත්වුනා. එලෙස අත්ඩංගුවට පත්වූ පලමු ක්‍රිකට් ක්‍රීඩකයා වන්නෙත් සලීම්. ජීවිතාන්තය දක්වා  තරග තහනමක් පැනැව්වත් එය 2008 වසරේදී අවලංගු කලා. 

2. අතා වුර් රෙහෙමාන් ( පකිස්තානය)  - බුකීකරුවන් සමග ගනුදෙනු කිරීම නිසා 2000 වසරේදී ජීවිතාන්තය දක්වා තරග තහනමක් පනවන ලදී. 

2000 වසරේ ඉන්දීයාවේ පැවති ඉන්දියා- දකුනු අප්‍රිකා තරගාවලිය ඉතිහාසයට එක්කරන්නේ තරග පාවාදීම් වලින් පිරුනු කලු පැල්ලමක්. දෙපිලේම නායකයන් ඇතුලු ක්‍රීඩකයන් කිහිප දෙනෙකුටම තමන්ගේ ක්‍රිකට් දිවිය නිමාකිරීමට මෙම තරගාවලිය හේතු  වෙනවා. 

3 මොහොමඩ් අසාරුදීන් - ඉන්දීය කන්ඩායමේ නයකයා වන අසාරුදිනට තරගා පාවාදීම්, බුකීකරුවන්ට තොරතුරු ලබාදීම හා හැන්සි ක්‍රොන්යේ  තරග පාවාදීම් සදහා පෙලබවීම යන චෝදනා මත 2000 වසරේදී ජීවිතාන්තය දක්වා තරග තහනමක් පනවනවා. නමුත් 2006 වසරේ ඔහුගේ තහනම ඉවත් කරනවා. 

4. අජේ ශර්මා ( ඉන්දියාව )  - බුකී කරුවන් සමග ගනුදෙනු කිරිමේ චෝදනාව මත ඔහුට 2000 වසරේදී  ජීවිතාන්තය දක්වා තරග තහනමක් පනවනවා

5. මනෝජ් ප්‍රභාකරන් - කපිල් දේව් ඇතුලු පිරිසකට  තරග පාවාදුන්නා යැයි චෝදනාවක් මනෝජ් ප්‍රභාකරන් විසින් එල්ල කල නමුත් පසුව ඔහුම එම චෝදනාවට වැරදි කරු වනවා 2000 වසරේදී වසර 5කතරග තහනමක් පනවනවා.  

6. අජේ ජඩේජා - බුකීකරුවන් සමග ගනුදෙනු කිරීම නිසා 2000 වසරේදී වසර 5ක  තරග තහනමක් පනවන ලදී. නමුත් 2003 වසරේදී මෙය ඉවත් කරනු ලැබුවා. 

7. හැන්සි ක්‍රොන්යේ - තරගය පිලිබදව පූර්වකතනය සදහා බුකී කරුවන්ගෙන් මුදල් ලබාගැනීම නිසා 2000 වසරේදී ජීවිතාන්තය දක්වා තරග තහනමක් පනවනවා

8. හර්ශල් ගිබ්ස් - නාග්පූර්හි පැවති එක්දින තරගයේදී අඩු දස්කම් දැක්වීමට මුදල් ලබාගත්තද පසුව ඔහු එම අනුමැතිය කඩකර පන්දු 53කින් ලකුනු 74ක් ලබාගනනවා. කෙසේනමුත් ඔහුට මාස 6ක තරග තහනමක් පනවනවා

9. හෙන්රි විලියම්ස් ( දකුනු අප්‍රිකාව ) - ඉහත නාග්පූර් තරගයේම  අඩු දස්කම් දැක්වීමට මුදල් ලබාගත් අතර ( පන්දු වර 10 දී ලකුනු 50කට වඩා ලබාදීමට ) පන්දු 11 කදී වයිඩ් පන්දු 6ක් ඇතූව  ලකුනු 11ක්  ලබාදී අබාදයක් හේතුවෙන් තරගයෙන් ඉවත් වෙනවා.කෙසේනමුත් ඔහුට මාස 6ක තරග තහනමක් පනවනවා

10. මොරිස් උඩුම්බේ ( කෙන්යාව ) - බුකී කරුවන්  සමග ගනුදෙනු කිරිමේ චෝදනාව මත ඔහුට වසර 5ක තරග තහනමක් පනවනවා

11. මාලන් සැමුවෙල්ස් - බුකීකරුවන්ට තරග සම්බන්ධ තොරතුරු සැපයීම නිසා වසර 2ක තරග තහනමක් පනවනවා

12. මොහොමඩ් අමීර් ( වසර 5) , - 2010 වසරේ අගෝස්තු මස  එංගලන්තය සමග පැවති ටෙස්ට් තරගාවලියේදී නිපන්දු යැවීම සම්බන්දව බුකීකරුවන්ගෙන් මුදල් ලබාගැනීම නිආ ඔහු මාස 6ක් වරද කරුවන් පුනරුත්තාපනය කරන කදවුරකට යැවීමට එංගලන්ත අධිකරනය නියම කරනවා. 

13මොහොමඩ් අසීෆ් ( වසර 7)  ඉහත හේතුවටම  අසීෆ්ට වසරක් සිරදඩුවමක් හිමිවූ අතර වසර 7කට ක්‍රිකට් තහනම් කරනවා 

14 සල්මන් බට් ( වසර 10 )  - තරගා පාවාදීමට තම පන්දු යවන්නන් පෙලබවීම මත වසර දෙකක හා මාස 6ක සිරදඩුවමක් හා වසර 10ක තරග තහනමක් හිමිවෙනවා. 

15. දනේශ් කනේරියා  - එංගලන්තයේ එසෙක්ස් ප්‍රාන්තය වෙනුවෙන් ක්‍රීඩා කරන සමයේ සිදුවූ තරග අක්‍රමිකතා හේතුවෙන් එංගලන්ත - වේල්ස් ක්‍රිකට් පාලක මන්ඩලය ජීවිතාන්තය දක්වා තරග තහනක් පනවන අතර පාකිස්තානු ක්‍රිකට් මන්ඩලය එය අනුමත කරනවා. 

16. ශ්‍රීසාන්ත්- අයි.පි.එල් තරගාවලියේ සිදුවූ තරග පාවාදීම් හේතුවෙන් ඔහුට ජීවිතාන්තය දක්වා තරග තහනක් පනවනවා 

17. අශ්රාෆුල්  - 2013 බංගලිදේශ ප්‍රීමියර් ලීග් තරගාවලියේ තරග පාවාදීම් හේතුවෙන් වසර 8කට තරග තහනම් කරනවා. 

18. ලූ වින්සන්ට් - බී.පී.ල් තරගාවලියේ බුකීකරුවන්ගේ තරගා පාවාදීමට ඉදිරිපත්වූ යොජනාව අයි .සී.සියට නොදැන්වීම නිසා පලමුව වසර 3කට තරග තහනම් කලද පසුව එංගලන්ත පලමු පෙල තරගාවලියේ සිදුකල තරග පාවාදීම් නිසා ජීවිතාන්තය දක්වා තරග තහනක් පනවනවා,

19. කෞශාල් ලොකුආරච්චි -  බී.පී.ල් තරගාවලියේ බුකීකරුවන්ගේ තරගා පාවාදීමට ඉදිරිපත්වූ යොජනාව අයි.සී.සියට නොදැන්වීම නිසාවසර 3කට තරග තහනමක් හිමිවෙනවා

Read More

අදුරු යුගය - තහනම් දකුනු අප්‍රිකානු සංචාරය

ග්‍රැහැම් පෝලොක් 

වර්නභේදය හේතුවෙන් දකුනු අප්‍රිකාවට ක්‍රිකට් ක්‍රීඩව තහනම් කල යුගයක් විය. එම කාල සීමව තුල තම ක්‍රිකට් කන්ඩායමේ ක්‍රීඩාශීලීත්වය රදවා ( keep the game alive in South Africa ) ගනු පිනිස සහ තම රටේ ක්‍රිකට් ක්‍රීඩාව තහනම් කිරීමට විරෝධය පානු පිනිස දකුනු අප්‍රිකානු ක්‍රිකට් මන්ඩලය හා එවකට රජය එක්ව ක්‍රිකට් තරගාවලියක් සංවිධානය කරන කල අතර එනම් 1982 සිට 1990 වසර දක්වා එවකට ටෙස්ට් ක්‍රීඩාකල රටවල් අතුරින් වසරකට එක කන්ඩායම බැගින් තම රටට ගෙන්වාගෙන කැරලිකාර තරගාවලියක් පැවැත්වීමයි.එකල ලොව ප්‍රමුක පෙලේ ක්‍රීඩකයන් අන්තර්ජාතික ක්‍රිකට් සම්මේලනයට අවනත නොවී මෙම තරගාවලියට එක්වූ බැවින් මෙම තරගාවලිය එකල ක්‍රිකට් ලොව  තුල මතභේදයට තුඩුදුන්නක් විය. 

අප්‍රිකානු ක්‍රිකට් සම්මේලනයේ උගුලට පලමුවෙන්ම හසුවූයේ ගැහැම් ගුච් ප්‍රමුඛ එංගලන්ත ටෙස්ට් ක්‍රිකට් කන්ඩායම නියෝජනය කල ක්‍රීඩකයන්ය. ජෙෆ් බෝයිකොට්, ඇලන් නොට්,මයික් හෙන්ඩ්‍රිකස්,  බොබ් වුල්මර් වැනි ක්‍රිකට් ලොව විශිටයන් රැසකට තම අන්තර්ජාතික ක්‍රිකට් දිවිය නිමාවීමට 1982 වසරේ මාර්තු මස ආරම්බ වූ අප්‍රිකානු කැරලිකාර සංචාරය හේතු විය.

මීට අමතරව 1982/83 හා 1983/84 තරගවාරය සදහා ලෝරන්ස් රෝව්ගේ නායකත්වයෙන් යුතු කැරලිකාර බටහිර ඉන්දීය කොදෙව් කන්ඩායමද, 1985/86 හා 1986/87 තරගවාර සදහා එවකට ලෝක ශූරයන් වූ ඕස්ට්‍රේලියානු ක්‍රිකට් කන්ඩායමක් කිම් හියුග් ගෙ නායකත්වයෙන් යුතුවද ( මෙම ඕස්ට්‍රේලියානු කන්ඩායමට කේප්ලර් වේල්ස් ඇතුලත් වූ අතර , අප්‍රිකානු කන්ඩායම නැවත අන්තර්ජාතික ක්‍රිකට් වරම් දිනාගත් පසු ඔවුන්ගේ පලමු ක්‍රිකට් නායකයා වූයේ තහනම් තරගාවලියේ ඕස්ට්‍රේලියානු කන්ඩායම නියෝජනය කල වේල්සස් ය ) .මෙම ඕස්ට්‍රේලියානු කන්ඩායමට ජෝන් ඩයිසන්ද ක්‍රීඩාකල තර පසුකලක ඔහු ශ්‍රී ලංකා කන්ඩායමේ පුහුනුකරු බවට පත්විය. 

කැරලිකාර බටහිර ඉන්දීය කොදෙව් කන්ඩායමේ ලාංඡනය 

මෙම තහනම් තරගාවලියේ අවසන් තරගාවලිය නැවත් එංගලන්තය සමග සංවිධානය වූ අතර එංගලන්ත කන්ඩායමේ නායකත්වය මයික් ගැටින්ට හිමිවිය.ඔහු 1987 ක්‍රිකට් ලෝක කුසලාන තරගාවලියේ එංගලන්ත කන්ඩායම ක්‍රිකට් අනුශූරතාව දක්වා මෙහෙයවූ නායකයා විය.

1991 වසරේ දකුනු අප්‍රිකාවට නැවත අන්තර්ජාතික ක්‍රිකට් වරම් ලැබුනු අතර, 2007 වසරේදී අන්තර්ජාතික ක්‍රිකට් සම්මේලනය විසින් අප්‍රිකානු තහනම් තරාගවලියේ සියලු තරග සදහා පලමු පෙල ක්‍රිකට් තත්වය ලබාදීමට තීරනය කලේය. 

කැරලිකාර ඕස්ට්‍රේලියානු කන්ඩායම 

ශ්‍රී ලංකාව ටෙස්ට් වරම් ලබගත්තේ 1982 පෙබරවාරී මාසයෙදීය.ටෙස්ට් වරම් ලබාගත් මුල් කාලයේ පටන් සුවිශේශි දස්කම් දක්වමින් ඉදිරියට පැමිනෙමින් සිටි ශ්‍රීලංකා ක්‍රිකට් කන්ඩායමට එම වසරේ ඔක්තෝම්බර් මාසයේදී කණ කොකා හැඩුවේය.එනම් අප්‍රිකානු ක්‍රිකට් සම්මේලනයේ උගුලට ලක්මව සතු විශිශ්ට ක්‍රීඩකයන් රැසක් හසුවිය. ශ්‍රීලංකා කන්ඩායම " ඇරෝසා ශ්‍රීලංකා " නමින් හැදින් විය. 

එවකට ශ්‍රී ලංකා ක්‍රිකට් නායකයාවූ බන්දුල වර්නපුර ඇතුලු කැරලිකාර ක්‍රීඩකයන් 14 දෙනෙකු අප්‍රීකානු තරගාවලිය සදහා ගිවිසුම් අත්සන් කලේය.එම කන්ඩායමේ ක්‍රීඩකයෙකු වූ ටෝනි ඕපාත මහතා කැරලිකාර කන්ඩායමේ කලමනාකාධූරයද දැරුවේය.මෙම ක්‍රීඩකයන්ට තම් රටෙන් මෙන්ම ඉන්දියාව, පකිස්තානය හා කොදෙව් දූපත් තුලින්ද තදබල විරෝධයක් මතුවිය. 

කොදෙව් ක්‍රිකට් කන්ඩායම 

පීටර් කර්ස්ටන්ගේ නායකත්වයෙන් යුතු දකුනු අප්‍රිකානු කන්ඩායම එක්දින තරග 4 හා ටෙස්ට් තරග දෙක පහසුවෙන් ජයගත්තේ කැරලිකාර ශ්‍රීලංකා කන්ඩායම අන්ත අසරණ කරමිනි. දෙවන ටෙස්ට් තරගයේදී අප්‍රිකානු ක්‍රීඩක ගැහැම් පෝලොක් පිලිවලින් 188 ක් හා 197 වාර්ථා කලේය. 

තරගාවලියට සහභාගීවූ ශ්‍රීලංකා ක්‍රීඩකයන්ට ජීවිතාන්තය දක්වා තරග තහනමක් පැනවූ අතර එය පසුව ඉවත්කෙරුනි.නමුත් තරග තහනම ඉවත් වනවිට ඔවුන් ලංකාව නියෝජනය කල හැකි වයසක නොවීය. ෆැල්වින් අපොන්සු 1996 ලෝක කුසලානයේදී නෙදර්ලන්තය නියෝජනය කල අතර එවිට ඔහුගේ වයස 43ක් විය 

ඇරෝසා ශ්‍රී ලංකා කන්ඩායම - බන්දුල වර්නපුර, ෆැල්වින් අපෝන්සු, හේමන්ත දේවප්‍රිය, ලන්ට්‍රා ප්‍රනාන්දු, මහේශ් ගුනතිලක, නිර්මාල් හෙට්ටිආරච්ච, ලලිත් කලුපෙරුම, සුසන්ත කරුනාරත්න, බර්නාඩ් පෙරේරා, අනුර රණසිංහ, අජිත් ද සිල්වා, බන්දුල ද සිල්වා, ටෝනි ඕපාත

1. තරග වාර්ථා 

වැඩිම ලකුනු  ක්‍රීඩකයා  තරග  ලකුනු  සාමාන්‍ය  වැඩිම ලකුනු  100 50 ග්‍රැහැම් පෝලොක්  16 1376 65.52 197 5 7 ජිමී කුක්  19 1320 42.58 169 3 7 පීටර් කර්ස්ටන්  19 1192 41.10 173 3 7 ක්ලයිව් රයිස්  18 679 27.16 72 4 කෙන් මැකෙවන් 7 438 43.80 138* 3 කෙවින් මැකෙන්සි  7 422 35.16 110 1 2 හෙන්රි ෆෝතරින්ගම්  7 406 36.90 100* 1 2 වැඩිම කඩුලු  ක්‍රීඩකයා  තරග  කඩුලු  සාමාන්‍ය  S/R ගර්ත් ලෙ රොවුක්ස්  15 59 23.27 50.1 ස්ටීවන් ජෙෆ්ෆිරිස්  11 39 29.92 60.3 ඇලන් කූරි  16 38 33.60 75.8 වින්ස්ටන් වෑන්  6 29 19.86 52.9 කල්ව්යි රයිස්  18 28 22.39 56.1

Read More

- The Great Of Honours -

සියවසකට අධික සාඩම්බර අතීතයකට උරුමකම් සහිත ක්‍රිකට් ක්‍රීඩාවේ පුරාවෘත්තයන් බදු ක්‍රීඩකයන් රැසකි.ඔවුන් අතුරින් විශිෂ්ටතමයන් පිලිබද කෙරෙන සටහනකි මේ. 

26. රාහුල් ඩ්‍රාවිඩ් 

වචනයේ පරිසමාප්තියෙන්ම ඉන්දීය කන්ඩායමේ නැංගුරම වූ ඔහු තාක්ශනය තින් පරිපූරන වූ පිතිකරුවෙකි.ටෙස්ට් ලකුනු 13000කට අධික සංඛ්‍යාවක් රැස්කල ඔහු තම ක්‍රිකට් දිවිය පුරාවට 192වරක් ලකුනු 50 සීමව පසු කලේය. 

25. ඇඩම් ගිල්ක්‍රිස්ට්

ආක්‍රමණශීලී එමෙන්ම කඩුලු රකින්නෙකු හා ලොව සුපිරිම පිතිකරුවෙකු පිලිබද සහහන් කලහොත් පලමුවෙනම් සිහියට නැගෙන්නේ ඇඩම් ගිල්ක්‍රිස්ට් පිලිබදවයි. ඔහු ලොව ප්‍රමුඛ පෙලේ වේගපන්දු යවන බල ඇණි පවා තම පිත්ත ඉදිරිපිට දන ගැස්සුවේය. 

24. ක්‍රිස් ගේල් 

ඔහු තම සුපුරුදු රිද්මයට පැමිනි විට, ඔහු තරම් පන්දු යවන්න්නට රිදවන්නෙකු මේ විශ්වයේවත් සොයාගැනීමට නොහැකියි.එහි අසාමාන්‍ය වේගයක් අන්තර්ගතයි. 

23.  ස්ටීව් වෝ

ලොව බිහිවූ විශිටතම නායකයෙකු වන ස්ටීව් වෝ වසර 20ක් පුරා ඕස්ට්‍රේලියාව ලබාගත් බොහෝ ජයග්‍රහන වලට දායකත්වය සැපයුවා.ටෙස්ට් ලකුනු 10,000කට අධික ලකුනු සංඛ්‍යාවක් හා  51.06ක සාමාන්‍යක් ඔහු සතුවිය.

22. මහේල ජයවර්ධන 

ක්‍රිකට් ක්‍රීඩාවේ පිකාසෝ ඔහු වේ.ඔහුගේ පිතිහරභය සිතුවමක් සේ අලංකාරය.ලොව බිහිවූ තාක්ශනය අතින් පරිපූර්නතම පිතිකරු ලෙස මහේල ජයවර්ධන හැදින්විය හැක.

21. ජැක් හොබ්ස් 

The Master  ලෙස අන්වර්ත නාමයෙන් හැදින්වූ ඔහු පිතිකරනයෙහි ලා සුපිරිතමයෙකු විය.56.95ක ලකුනු සාමාන්‍යය එයට නිදසුනකි. 

20. වොලී හැමන්ඩ් 

ලොව බිහිවූ විශිටතම පලමු පෙල පිතිකරු වන වොලී හැමන්ඩ්  50,000කට අධික පලමු පෙල ලකුනු සංඛ්‍යාවකින්ද 7000 ( 58.45) කට අධික ටෙස්ට් ලකුනු ප්‍රමානයකින්ද ක්‍රිකට් ක්‍රීඩාව අර්නවත් කලේය. 

19. ජාවිඩ් මියෙන්ඩෑඩ් 

ආක්‍රමනශීලී පිතිකරුවෙකු මෙන්ම කුකුල් කේන්තිකාරයෙකු ලෙස ප්‍රසිද්ධ ඔහු ලොව බිහිකල තවත් විශිෂ්ටයෙකි. 

18. ග්ලේන් මැක්ග්‍රාත් 

ඕස්ට්‍රේලියාව බිහිකල අංක එකේ වේගපන්දුයවන්නා සේ සලකන්නේ ඔහුයි.මද වේගී පන්දුවෙන් ලොවම මවිත කල ඔහු ලෝක කුසලානයහි වැඩිම කඩුලු ප්‍රමානයක් ලබාගත් පන්දුයවන්නාද වේ. 

17. රිකී පොන්ටින්ග් 

ලෝක කුසලාන දෙකක් තම සුරතට ලබාගැනීමට වරම් ලැබූ පොන්ටින්ග් එක්දින ක්‍රිකට් ඉතිහාසයේ එදා මෙදා තුල බිහිවූ විශිටතම නායකයාද වේ. ටෙස්ට් හා එක්දින ලකුනු 27,000 කට වඩා රැස්කල ඇති ඔහු ශතක 71කින්ද තම ක්‍රිකට් දිවිය වර්නවත් කලේය. 

16. බ්‍රයන් ලාරා 

හොදම  ටෙස්ට් ඉනිමේ වාර්තාව මෙන්ම හොදම පලමු පෙල ඉනිමේද වාර්තාව අතුව ඇති ලාරා, ලොව විශිෂ්ට පන්දුයවන්නන්ට පවා හිසරදයක් වුනු අංක එකේ පිතිකරුවෙකි. 

15. වසීම් අක්‍රම් 

King Of Swing ලෙස හදුන් වන වසීම් ලොව පුරා පිතිකරුවන්ගේ භයානක සිහිනයක් බවට පත්වූයේ ඔහු සතු අධිවේගී පන්දුකරනය හා පන්දුවේ දෝලනය හේතුවෙනි. 

14. කුමාර සංගක්කාර 

වමත් බැඩ්මන් ලෙස හැදින්විය හැකි සංගක්කාර ලොව බිහිවූ විශිෂ්ටතම වමත් පිතිකරුවා වේ.ටෙස්ට් එක්දින යන දෙයංශයෙන්ම ලකුනු 11,000 පසුකල ඔහු අංක එකේ කඩුලු රකින්නෙකුද වේ.වර්තමාන ක්‍රිකට් ක්‍රීඩ කරන ක්‍රීඩකයන් අතුරින් සුපිරිම ක්‍රිකට් තරුව ඔහු වන අතර තාක්ශනයෙන් හා ආක්‍රමනශීලීත්වයෙන් පරිපූරන පිතිකරුවෙකි. 

13. ශේන් වෝර්න් 

පාදග පන්දුවෙන් ලොව මවිත කල ඔහු ටෙස්ට් ක්‍රිකට් ක්‍රීඩාවේදී පිතිකරුවන් 708 දෙනෙකු ක්‍රීඩාගාරයට හරවා යැවීමට සමත්වී තිබේ. 

12. ජැක් කලිස් 

පිතිකරුවෙකු මෙන්ම දක්ශ පන්දු යවන්නෙකුද වන කලිස් ලොව බිහිවූ අංක එකේ තුන්නිරියව් ක්‍රීඩකයෙකි. ලකුනු 24,000කින් සහ කඩුලු 500+ කින් තම ක්‍රිකට් දිවිය සැරසුවේය. 

11. ඩෙනිස් ලිලී 

ලොව බිහිවූ බයානකම වේගපන්දු යවන්නා ඔහුවේ.තොම්සන් - ලිලී සුසංයෝගය පිතිකරුවන් තුල අප්‍රමාන බියක් ඇතිකරන ලදී. 

10. ඉයන් බොතම් 

තුන් ඉරියව් ක්‍රීඩකයන් අතරඉදිරිපෙල අසුනක් ඔහුට හිමිවේ.එංගලන්තය ලොවට දායාද කල විශිෂ්ටතම පිතිකරු ඔහු වේ. 

9. ඉම්රාන් ඛාන් 

පකිස්තානය ලෝකශූරයන් බවට පත් කිරීමේ ගෞරවය ඉම්රාන් සතුවේ.පිතිකරුවෙකු මෙන්ම සුපිරි වේග පන්දුයවන්නෙකුද වන ඉම්රාන් අංක එකේ නායකයෙකි.

8. අරවින්ද ද සිල්වා 

තාක්ශයය ප්‍රවේගය සපිරි ලංකාව ක්‍රිකට් ලොවට දායද කල දියමන්තිය වන ඔහු ලක්මවට ලෝක කුසලාන දිනාදීමට අනුපමේය සේවයක් ඉටු කරන ලදී. 

7. කපිල් දේව් 

ඉන්දීයාව 1983 දී ලෝක ක්‍රිකට් විරුවන් සේ අබිසෙස් ලැබීමට මග කියාදුන්නේ ඔහුය.වේග පන්දු යවන්නෙකු හා සුපිරි පිතිකරුවෙකුද වේ. 

6. විවියන් රිචර්ඩ්ස් 

විශිෂ්ටයන් අතර විශිෂ්ටයෙකි.1979 ලෝක කුසලාන අවසන් මහා තරගයේ සදාතනික වීරයා වේ.90+ ලකුනු ලබා ගැනීමේ වේගයක් සහ 47 ක ලකුනු ලබා ගැනීමෙ සාමාන්‍යයක් ඔහුගේ එක්දින ක්‍රිකට්  දිවියේ සටහන් වේ 

5. සනත් ජයසූරිය 

ක්‍රිකට් ක්‍රීඩාවට ත්‍රාසය බිය මුසු කලේ ඔහුය.ඔහුගේ තුන් ඉරියව් දස්කම් හේතුවෙන්  ලක් මව ලෝක ශූරයන් සේ අභිශේක ලැබිමට සමත්විය.ඔහු තරම් බයානක පිතිකරුවෙකු ක්‍රිකට් ඉතිහාසයේ හමු නොවේ.පන්දු යවන්නන් රැසකට ක්‍රිකට් එපා කල ඔහුගේ පිත්ත අභියස ලොව හොදම පන්දු යවන්නන් පවා බියෙන් සැලෙන්නට විය. ලොව බිහිකල විශිටතම තුන් ඉරියව් ක්‍රීඩකයා සනත් බව අවිවාදිතය. 

4. ගැරී සෝබර්ස් 

ඔහු ක්‍රිකට් ක්‍රීඩාවේ පුරාවෘත්තයකි.පරිපූර්න පිතිකරුවෙකි. විශිෂ්ට පන්දුයවන්නෙකි. 

3. සචින් ටෙන්ඩුල්කාර් 

ලොව බිහිවූ වඩාත්ම පරිපූර්නත පිතිකරුවේ.අන්තර්ජාතික ශතක 100කට හිමිකම් කියන ඔහු සතුව පවතින ක්‍රිකට් වාර්ථා කිසිවෙකුට සම කල නොහැකි මට්ටමේ පවතී. 

2.මුත්තයියා මුරලිදරන් 

බැඩ්මන් පිතිකරුවෙකු ලෙස ක්‍රිකට් ක්‍රීඩාවට සුවිශේශී වන්නේ යම් සේද මුරලිද ඊට සමාන අයුරින් පන්දුයවන්නෙකු ලෙස ක්‍රිකට් ක්‍රීඩවට සුවිශ්ෂීවේ.ලොව බිහිවූ අංක එකේ පන්දු යවන්නා වන මුරලි සතුව පවතින ක්‍රිකට් වාර්ථා වලට ලංවීමට පවා සමත් පන්දුයවන්නෙකු බිහිවේදැයි සැක සහිතය. 

1. ශ්‍රීමත් ඩොනල්ඩ් බැඩ්මන් 

පිතිකරුවන් අතුරින් අසමසම තරුව ඔහුවේ.ලකුනු 100කට ආසන්න ලකුනු ලබාගැනීමේ සාමාන්‍යයක් හිමි ඔහු වසර 130කට අදික ක්‍රිකට් වංශකතාවේ බිහිවූ සුපිරිතමයා වේ.

Read More

ක්‍රිකට් ක්‍රීඩාවේ විනාශය අතලගයි - ඉන්දියාව,එංගලන්තය හා ඕස්ට්‍රේලියාව එක්ව ක්‍රිකට් වැනසීමට සැරසේ.

ඉන්දියාව,එංගලන්තය හා ඕස්ට්‍රේලියාව එකව මින් ඉදිරියට ක්‍රිකට් ක්‍රීඩාවේ පරිපාලනය තමන් අතට ගැනීම සදහා කෙටුම් පතක් මෙමෙ මස 28, 29 දිනයන්හී ඉදිරිපත් කර සම්මත කර ගැනීමට නියමිතව ඇත, දකුනු අප්‍රිකාව මෙම ගිවිසුමට දැනටමත් විරෝදය පල කර ඇති අතර නවසීලන්තය එකගතාව පල අර ඇත, ශ්‍රී ලංකාවේ තීරනය අද දින ප්‍රකාශ කිරීමට නියමිත අතර ශ්‍රී ලංකවේ ස්ථාවරය සලකා පකිස්තානය හා බටහිර ඉන්දීය කොදෙව්වන් තම තීරනය ගැනීමට නියමිතය, ඒ අනුව ශ්‍රී ලංකාවේ තීරනය මත මෙයි සම්මත වීම නොවීම රදා පවතින අතර, ශ්‍රී ලංකා ක්‍රිකට් පාලක මන්ඩලයට ක්‍රිකට් බලවතුනට යට නොවී මෙම ගිවිසුම පරාජයට පියවර ගැනීමට දකුනු අප්‍රිකාවට තම සහයෝගය පල කිරීමට ශක්තිය ධෛර්‍යයි ලැබේ යැයි ක්‍රිකට් ක්‍රීඩාවට ආදරය කරන සියලුම දෙනාගේ ප්‍රාර්තනයයි.

කෙටුම්පත පිලිබදව කෙටියෙන් ...

1.අයි.සී.සී සබාපතිදූරය මින් ඉදිරියට ඉන්දියාව, ඕස්ට්‍රේලියාව හා එංගලන්තයට පමනක් සීමාවන අතර පලමු සභපතිදූරය ක්‍රිකට් තරග පාවාදීමටද සම්බන්දයැයි නම ඈදුනු ඉන්දීය ක්‍රිකට් පාලක මන්ඩලයේ සභාපති සිරිනිවාසන්ට හිමිවීමට නියමිතය.

2.අනිකුත් ක්‍රිකට් පාලක මන්ඩල බල රහිත වීම හා ලෝක කුසලනය වැනි තරගාවලි ඉන්දියාව,එංගලන්තය හා ඕස්ට්‍රේලියාව තුල පමනක් පැවැත්වීම,එමෙන්ම ලෝක කුසලාන සදහා තරග කරන කන්ඩායම් ප්‍රමානය තීරනය කිරීමේ බලය ඔවුන් සතු වීම ,{ ඉන්දියාව,එංගලන්තය හා ඕස්ට්‍රේලියාව අදුනික රටවල් වලට ලෝක කුසලානයට තරග කිරීමට විරුද්ධ අතර,එම නිසා ක්‍රිකට් ක්‍රීඩාවේ අනාගතය විනාශ වීම,අවශය නම් ටෙස්ට් ක්‍රීඩාකරන රටක් වුවද ලෝක කුසලානයෙන් ඉවත් කිරීමට ඔවුන්ට බලය ලැබීම]

3.IPL,BIG BASH වැනි ලීග් තරගාවලි නිලවශයෙන් පිලිගැනීම හා ඒට ඉදිරියට කනිලවශයෙන් කාලය වෙන් කිරීම

4.FTP අවලංගු කිරීම හා මින් ඉදිරියට ඉන්දියාව,එංගලන්තය හා ඕස්ට්‍රේලියාවට අවශ්‍ය පරිදි ක්‍රිකට් කාල සටහන සැකසීම,එම නිසා ඔවුන්ට අනිකුත් රටවලට තරග ලබානොදී උවද සිටිය හැක.

5.අයි.සී.සී අදායමෙන් වැඩිකොටසක් ඉන්දියාව,එංගලන්තය හා ඕස්ට්‍රේලියාව විසින් බෙදා ගැනීම

Read More

ඉඩෝරයට දිය බිදක්

පකිස්තානය සමග පැවති තෙවන ටෙස්ට් ක්‍රිකට් තරගයේ ශ්‍රී ලංකා ක්‍රීඩා විලාශය සම්බන්ධව කෙතරම් විවේචන මතු වුවද ,බොහෝ කලකට පසුව ශ්‍රී ලංකා ක්‍රිකට අනාගතය සම්බන්ද සුබදායි පෙරනිමිති රැසක් ඉතිරි කරමින් ශ්‍රී ලංකා කන්ඩායමේ මැද පෙරදිග සංචරය නිමාවීයැයි සතුටු විය හැකිය.

ප්‍රවීනයන් මත යැපීමේ කලාව මෙම තරගාවලිය පුරාම දක්නට නොලැබුනු අතර නවකයන්ගේ දස්කම් උසස් මට්ටමක පැවතුනි,නායක ඇන්ජෙලෝ මැතිවස් තම ක්‍රිකට් දිවියේ සාර්තකම තරගාවලිය නිමා කල අතර ප්‍රසන්න ජයවර්ධන,තම වර්තමාන ක්‍රිකට් පිටියේ සිටින විශිෂ්ටතම කඩුලු රකින්නා බව නැවත අරක් සනාත කලේ පිතිකරුවෙකු ලෙසද කන්ඩායම වෙනුවෙන් වටිනා ඉනිම් කීපයක්ම දියත් කරමිනි.

කෞශාල් සිල්වා,තමන් දිල්ශාන්ගෙන් හිස්වූ ආරම්භක පිතිකරු තනතුරට නියම සුදුස්සා බව සනාත කල අතර,දිමුත් කරුනරත්නගේ දස්කම්ද විශිස්ට මට්ටමක නැතත් ප්‍රශස්ථ මට්ටමක පැවතුනි.දිරුවන් පෙරේරා තමන්ට ලැබුනු අවස්තාවෙන් උපරිම පල නෙලාගත්තේය.

කාලයක් තිස්සේ පැයට කි.මී 140කට වඩා වේගයෙන් පන්දුයවන ක්‍රීඩකයනේ අඩුවක් පැවතුනද එම පැනයට ආසන්න හෝ පිලිතුරක් ලැබුනු බව හැගී යන්නේ වේගයට වඩා නිසි එල්ලය සහ නියමිත ස්තානයට පන්දුව පතිත කිරීම මගින් කඩුලු ලබා ගත හැකි බව ශ්‍රී ලංකා වේගපන්දු යවන්නන් සනාත කිරීම හේතුවෙනි.[නමුත් මේ වනවිට පකිස්තානු වේගපන්දු යවන සංචිතයේ පැයට කි.මී 140කට වැඩි වේගයෙන් පන්දුයවන නවක වේගපන්දු යවන්නන් 40කටව් ඇඩි සංඛ්‍යාවක් සිටින බව අසන්නට ලැබුනි,ලංකාව අතුව එවැනි එක පන්දු යවන්නෙකු හෝ නොමැති වීම කනගාටුවට කරුනකි.] 

එක්දින තරගාවලිය 2-3ක් ලෙස පරාජ වුවද නායක මැතිව්ස්ගේ හා උඅප නායක චන්දිමාල්ගේ දස්කම් තරගාවලිය පුරා කැපී පෙනුනි.එමෙන්ම කිතෘවන් හා අශාන් ප්‍රියන්ජන එක්දින තරග දිවිය සුවිශේශී අයුරින් ආරම්බ කලේ අනාගතය පිලිබද සුබ පෙරනිමිති පහල කරමිනි.

කලක් තිස්සේ ශ්‍රී ලංකාව සොයමින් සිටි ප්‍රහාරක පිතිකරුගේ භූමිකාවට සීක්කුගේ ප්‍රසන්න හා සචිත්‍ර මැනවින් පන පෙවූ අතර,කුසල් ජනිත් සුවිශේශී ඉනිම් කීපයක් හියත් කලේ පන්දු යවන්නන් තුල නැවතත් සනත් ජයසූරිය භීතිකාව ඇතිකරලමිනි.

එකී මෙකී බොහෝ සුබ පෙරමග නිමිති රාශියක් පකිස්තානු තරගාවලියෙන් අපට ලැබුනි, නමුත් ධනාත්මක ලකුනු තුලින් ඉදිරියයේ පැවැත්වෙන ලෝක කුසලානයක් ජයග්‍රහනය හෝ ටෙස්ට් ශ්‍රේණිගටහ කිරීම් වල ඉදිරියට පැමිනීම කල නොහැක,අවශ්ෂ වනුයේ එකී සුබවාදී පෙරනිමිති තුලින් ස්ථාවර දස්කම් දක්වන ක්‍රීඩකයන් නිර්මානය වීමයි

එම නිසා අවසාන වශයෙන් කීමට ඇත්තේ "ආමග කෙටියි,යායුතු මග දුරයි.නිරතුරු නුවනැසින් තරනය කල යුතුයි" යන්නයි

Read More

වීරයන්ගේ යුගය නිමාවිය...

අදින් අවසන් වූයේ ක්‍රිකට් ක්‍රීඩාවේ වීරයන්ගේ යුගයයි.සාම්ප්‍රධායික ක්‍රිකට් ක්‍රීඩව උඩුයටිකුරු වූ යුගයයි.යාර 22ක සීමාවක් මත සිදුවූ පෙරලි රැසක ආරම්භය සිදුවූ යුගයයි.1990 දශකය ආරම්භවූයේ එවකට බටහිර ඉන්දීය කොදෙව්වන් සතුවූ ක්‍රිකට් ආධිපත්‍යය කෙමෙන් කෙමෙන් ඔවුන්ගෙන් ගිලිහෙමින් පවතින යුගයකයි.

කෙරී පැකර් හදුන්වා දුන් "පිජාමා ක්‍රිකට් ක්‍රීඩාව "ප්‍රේක්ශකයන් අතර අතිශය ජනප්‍රිය වූ අතර ඉන් ක්‍රිකට් ලොවට දිවා රාත්‍රී ක්‍රිකට් තරග හා වර්නවත් ඇදුම් භාවිතයේ ආගමනයද 90දශකයේ ආරම්භය සමග සිදුවිය.ක්‍රිකට් ක්‍රීඩාවට තාක්ශනයද මුසුවූ අතර ක්‍රිකට් ක්‍රීඩවට යාර 30 සීමවේ පන්දුයවන්නන් රැදවීම වැනි නව නීති රීතීන් එකතු විය.ක්‍රිකට් ක්‍රීඩවේ සිදුවූ මේ විප්ලයවය හේතුවෙන් සාම්ප්‍රධායක ක්‍රිකට් උපක්‍රම යල්පිනූ අතර තරග ජයග්‍රහනය වෙනුවෙන් නව උපක්‍රම අතහදා බැලීමට සියලුම කන්ඩායම් යොමු විය. 

ක්‍රිකට් ක්‍රීඩවට එකතුවූ සුවිශේෂතම උපක්‍රමය වනුයේ පලමු පන්දු වාර තුල පන්දුයවන්නන්ට එලව එලවා පහර දීමයි.එතෙක් පැවති සාම්ප්‍රධායික උපක්‍රමය වන පලමු පන්දූ ඕවර තුල ආරක්ශාකාරී උපක්‍රමයක් අනුගමනය කරමින් කඩුලු ඉතිරිකරගනිමින් ඉනිමේ අවසන් කොටසේදී වේගයෙන් ලකුනු රැස්කිරීමයි.සනත් ජයසූරිය සහ රොමේශ් කලුවිතාරන එක්ව පලමුපන්දු වාර කීපය තුල මල් වෙඩි සංදර්ශන පැවැත්වූ අතර ප්‍රතිපලය වූයේ ශ්‍රී ලංකාව ක්‍රිකට් ලොව ශූරයන්සේ අභිසෙස් ලැබීමයි.පිතිකරුවන්ගේ උපක්‍රම හමුවේ පන්දුයවන්නන්ද තම සැලසුම් වෙනස් කල අතර තාක්ශනය යොදා ගනිමින් ඔවුන් පිතිකරුවන් දමනයට නව මං සෙවීය. 

මෙම ගැටුම ක්‍රිකට් ලොවට වීරයන් බිහිකිරීමට හේතු විය.සනත් ජයසූරිය,සචින් ටෙන්ඩුල්කාර්,රිකී පොන්ටින්ග්,අරවින්ද් ද සිල්වා,අන්වර්,මාක් වෝ,ලාරා වැනි ලොව බිහිවූ අග්‍රගන්‍ය පිතිකරුවන් සේම නම ඇසූ පමනින් පිතිකරුවන් බියෙන් සලිත වන වසීම් අක්‍රම්, වකාර් යූනිස්, මුරලිදරන්, ශේන් වෝර්න්, වාස්, ඩොනල්ඩ්, මැක්ග්‍රාත් වැනි පන්දු යවන්නන් ක්‍රිකට් පිටිය මත පෙරලි කර යුගය බිහි විය.වර්තමාන ක්‍රිකට් පිට්යේ එවැනි වීරයන් ඇත්තේ අල්පයක්.ලසිත් මාලිංග,ස්ටෙයින් හැරුනු විට පිතිකරුවන් බියෙන් සලිත කරන එකදු හෝ වේග පන්දු යවන්නෙක් අද සොයාගැනීම අපහසුය.අජ්මාල්, ස්වාන් දක්ශ දගපන්දු යවන්නන් වුවද ඔවුන්ට මුරලි, වෝන්, කුම්බ්ලේ කල පෙරලි ක්‍රිකට් පිටියේ කල නොහැක. 

ක්‍රිකට් ලොව වීරයන් පසුගිය දශකය තුල විටින් විට ක්‍රිකට් ක්‍රීඩාවෙන් සමුගත්තේය.අද එම වීරයන්ගේ පරපුරේ අවසාන එමෙන්ම සුපිරිතමයාද ක්‍රිකට් ක්‍රීඩාවට නැවතීමේ තිත තැබීය. එනම් ක්‍රිකට් ක්‍රීඩාවේ සදාතනික වීරයන්ගේ යුගය අදින් සමාප්ත විය

Read More

සචින් සහ බ්‍රැඩ්මන්

සියවසකට වඩා ඉපැරණි ක්‍රිකට් වංශකතාවේ විශිෂ්ටතම පිතිකරු කවුරුන්ද යන්න විවාදයට තුඩුදුන් මාතෘකාවකි.වරක ක්‍රිකට් බයිබලය වන විස්ඩන් සගරාව ලොව විශිෂ්ටතම පිතිකරු ලෙස ක්‍රිකට් ලොව පුරාවෘත්තයක් බදු ශ්‍රීමත් ඩොනල්ඩ් බ්‍රැඩ්මන් නම් කරනු ලැබුවේය.එකී ලයිස්තුවේ දෙවෙනි ස්ථානය සුපිරි පිතිකරු සචින් රමේශ් ටෙන්ඩුල්කාර්ට හිමිවිය.සැබවින්ම විශිෂ්ටයා කවුරුන්ද?මේ වෑයම ලොව පිතිකරුවන්ගේ සුපිරිතමයා සොයායෑමටයි.

1. පිතිකරන සාමාන්‍යය 

වසර 126ක් පැරණි ක්‍රිකට් ඉතිහාසයේ පිතිකරුවෙකු සතු ඉහලම පිතිකරන සාමාන්‍යයට ශ්‍රීමත් දොන් බ්‍රැඩ්මන් හිමකම් කියයි.එය  99.94කි.ලොව අන් කිසිදු පිතිකරුවෙකුට ඔහු අසලට හෝ පැමිනීමට හැකි වී නැත.බ්‍රැඩ්මන්ගෙන් පසුව ඉහලතම පිතිකරන සාමාන්‍යය ලෙස සදහන් වනුයේ 60.73කි. බ්‍රැඩ්මන් ශතක 29ක් වාර්ථා කල ඇති අතර ඉන් 12ක් ද්විතව ශතකයන්ය.එය පිතිකරුවෙක් රැස්කල ඉහලතම ද්විත්ව ශතක ප්‍රමානයයි.ඔහු දෙවරක් ත්‍රිත්ව ශතක වාර්තා කල ඇති  අතර  1930දී එංගලන්තයේ හෙඩින්ග්ලි නුවරදී පෞද්ගලික ඉහලම ලකුනු ප්‍රමානය වන 334 ලබාගත්තේය.ඔහුගේ පලමු පෙල පිතිකරන සාමාන්‍යයද 95.14කි.    

ටෙන්ඩුල්කාර් පිලිබදව සැලකුවහොත් ඔහුගේ ටෙස්ට් පිතිකරන සාමාන්‍යය  53.48කි.එමෙන්ම 44.83ක එක්දින පිත්කරන සාමාන්‍යයකද සචින් සතුය.කෙසේ නමුත් පිතිකරන සාමාන්‍යය සලකන විට  ශ්‍රීමත් ඩොනල්ඩ් බ්‍රැඩ්මන් ඉදිරියෙන් සිටී 

බ්‍රැඩ්මන් 1948 වසරෙදී ලෙස්ටෂයර් පිටියේ පිතිකරනයේ යෙදෙමින් 

 2.පිතිකරන සංඛ්‍යා ලේඛන  

පිතිකරන දක්ශතා සැලකීමෙදී සචින් සතුව විශ්වාසකල නොහැකි තරම් වන වාර්ථා රැසක් පවතී. වසර 16ක පාසල් සිසුවෙකු ලෙස 1989දී පාකිස්ථානයට එරෙහිව ටෙස්ට් වරම් දිනාගත් සචින් තම 24වසරක ක්‍රිකට් දිවිය තුල ටෙස්ට් ලකුනු 16,000කට ආසන්න ලකුනු ප්‍රමානයක් ලබාගෙන ඇති අතර ඔහුට පසුපසින් වැඩිම ලකුනු ලබාගත් පිතිකරු වන රිකී පොන්ටින් සහ සචින් තර ටෙස්ට් ලකුනු පරතරය 2500ක් ඉක්මවා යයි. 

එමෙන්ම සචින් එක්දින ලකුනු 18,426ක් ද ඇතුලුව අන්තර්ජාතික ක්‍රිකට්  ලකුනු  34300ක් පමන ලබාගෙන ඇත.එකී දස්කම් අනුව සචින් තරම් වූ ලකුනු මැශිමක් ක්‍රිකට් ක්‍රීඩාවේ තවත් හමු නොවේ යන්න අවිවාදයෙන් තොරය.එමෙන්ම අන්තර්ජාතික ශතක 100ක්ද ඇතුලුව ක්‍රිකට් වාර්තා රැසකටද සචින් උරුමකම් කියයි. 

බ්‍රැඩ්මන් ටෙස්ට් තරග 52කදී ශතක 29ක්ද සමග ලකුනු 6996ක් රැස්කලේය.එමෙන්ම එවකට ලොව ඉහලම පලමු පෙල ලකුනු සංඛ්‍යාව වන නොදැවී ලකුනු 452ක් සමග පලමු පෙල ලකුනු 28,067ක් බ්‍රැඩ්මන් සතුව පවතී.කෙසේ නමුත් පිතිකරන සංඛ්‍යාලේඛන සලකන විට සචින් ඉදිරියෙන් සිටී 

3. පිතිකරන තත්වයන් 

බ්‍රැඩ්මන් තම ක්‍රිකට් දිවිය පුරාවටම වේගපන්දුයවන්නන්ට හිතකර එමෙන්ම ආවරනය නොකල තනතීරු වල ක්‍රීඩා කල අතර බොඩිලයින් වැනි ප්‍රකට පන්දුකරන හමුවේ ලකුනු රැස්කිරීම පසකට තබා තම සිරුර පන්දුවෙන්  ආරක්ශා කර ගැනීම එවකට පිතිකරුවන්ගේ ප්‍රධාන කාර්‍යයක් වී තිබුනි,මන්ද එවකට පිතිකරුවනට හිස්වැසුම් වැනි ආරක්ෂක උපකරන හදුන්වාදී තිබුනේ නැත.

කෙසේ නමුත් සචින් පිතිකරන තත්වයන්ගේ වාසිය උපරිමයෙන් ලබාගත් අතර පිතිකරුවනට උචිත මන්දගාමී ඉන්දියානු උප මහද්වීපයේ තණතිලි තුල සචින්ගේ ටෙස්ට් තරග 200න් 123ක්ම පැවැත්විනි.බ්‍රැඩ්මන් එංගලන්තයේ හා ඕස්ට්‍රේලියාවේ පමනක ක්‍රීඩා කර ඇති අතර සචින් ලොව ලොව පුරා රටවල් විශාල සංඛ්‍යාවක ක්‍රීඩාකර ඇත.කෙසේ නමුත් පිතිකරන තත්වයන් අනුව ශ්‍රීමත් ඩොනල්ඩ් බ්‍රැඩ්මන් ඉදිරියෙන් සිටී 

1948දී මෙල්බෝර් පිටියේදී තම අවසන් ඉනිම සදහා පිටියට පිවිසෙමින් 

4. ප්‍රතිවාදීන් 

බ්‍රැඩ්මන් එංගලන්තය,ඕස්ට්‍රේලියාව,දකුනු අප්‍රිකාව,ඉන්දියාව හා බටහිර ඉන්දීය කොදෙව් දූපත් වලට එරෙහිව පමනක ක්‍රීඩා කල ඇති අතර ඔහුගේ තරග 52න් 37ක්ම එංගලන්තයට එරෙහිව  වීම සුවිශේෂීය.එංගලන්ත කන්ඩායම් දක්ශතා අතින් ඉදිරියෙන් සිටි අතර, එවකට තරග ජයග්‍රහනය වෙනුවෙන් ක්‍රිකට ක්‍රීඩාවේ මහත්මා ගුනයට උචිත නොවන  ක්‍රීඩා කෞශලයන්ද ඔවුන්ගෙන් පිලිබිබුවිය.

1932-33 සුප්‍රකට බොඩිලයින් තරග මාලාව බ්‍රැඩ්මන් ඉලක්ක කොට සැලසුම් කල අතර එම වසරේ ඕස්ට්‍රේලියාවේ සංචාරය කල එංගලන්ත කන්ඩායමේ නායක ඩග්ලස් ජාඩින් සියලුම පන්දු රකින්නන් පාඉන්න අසල රදවා පිතිකරුවන්ගේ සිරුරට බවුන්සර් පන්දු එවන ලෙස  තම පන්දුයවන්නන්ට පැවසුවේය.සියලුම ඕස්ට්‍රේලියනු පිතිකරුවන් අසාර්ථක වනවිට බ්‍රැඩ්මන් එම තරග මාලවා තුල 56.57ක සාමාන්‍යයක් රදවා ගත්තේ ශතකයක් සහ අර්ධ ශතක තුනක් ලබමිනි. 

සචින් ටෙස්ට් පිටියේ ප්‍රතිවාදී රටවල් 9කට එරෙහිව ක්‍රීඩාකර ඇති අතර ලොව විශිටතම ටෙස්ට් කන්ඩායම් වන මාර්ක් ටේලර්,ස්ටීව් වෝ,රිකී පොන්ටින් නායකත්ව දැරූ ඕස්ට්‍රේලියානු කන්ඩායමට එරෙහිව 55.00ක සාමාන්‍යයක් රදවාගනිමින් ලකුනු 3630ක්ද, ටෙස්ට් පිටියේ දුබලයන් වන බංගලිදේශයට එරෙහිව 136.66ක සාමන්‍යයක්ද [ ලකුනු 820] සම්බාබ්වේට එරෙහිව 76.50 [ ලකුනු 918] ද ලබාගෙන ඇත. 

කෙසේ නමුත් සචින් ඉන්දියාව තුලදී වඩා (7132 @ 52.82) ඉන්දියාවෙන් පිටතදී (8705 @ 54.74) වැඩි දස්කම් දක්වා ඇත. ප්‍රතිවාදීන් සහ දක්ශතා සලකන විට බ්‍රැඩ්මන් සහ සචින් සමාන තත්වයකසිටී. 

5. ක්‍රීඩා කාලය 

සචින් වසර 24කට ආසන්න ප්‍රමනයක් ක්‍රීඩාකර ඇති අතර ඔහු වැඩිම ටෙස්ට් තරග සංඛ්‍යාවකට ක්‍රීඩාකල ක්‍රීඩකයා ලෙසද ඉතිහාස ගතවේ.එමෙන්ම සචින්ගේ පලමු පෙල තරග සංඛ්‍යාව 307කි.බ්‍රැඩ්මන්ද වසර 20ක් පමන ක්‍රීඩාකර නමුත් දෙවන ලෝකයුද්ධය ඔහුගේ ක්‍රිකට දිවිය වසර කීපයක් නතර කර තැබීය.තවද සචින්ට මෙන්  තරගද සංවිදානය නොවූ අතර විසි වසරක් පුරා ඔහු ක්‍රීඩකලේ ටෙස්ට් තරග 52කට හා පලමු පෙල තරග 234කට පමනි.ඒ අනුව ක්‍රීඩා  කාලය අනුව සචින් ඉදිරියෙන් සිටී. 

සචින් තම පලමු ටෙස්ට් ශතකයෙන් අනතුරුව එංගලන්තයේදී 

6. වෘත්තීමය තත්වයන් 

සචින් ක්‍රිකට් ක්‍රීඩාව වෘත්තියක් ලෙස සලකන සමයක ක්‍රීඩාකලේය. ෆෝර්බස් සගරාව අනුව ඔහු ලොව පුරා ධනවත් ක්‍රීඩකයන් [ සියලුම ක්‍රීඩා] අතුරින් 51වන ස්ථානයේ පසුවේ.ඔහු මේ වසරේ පමනක් ඩොලර් මිලියන 22ක අධායමක් ඉපයූ අතර ඉන් මිලියන 4ක් ක්‍රීඩා ගිවිසුම් ලෙසද ඉතිරි මිලියන 18  වෙලද දැන්වීම් මතද ඉපයුවේය.  

බ්‍රැඩ්මන්ගේ තත්වයන් මීට හාත්පසින්ම වෙනස් වන අතර එවකට ක්‍රිකට් ක්‍රීඩාවට වෘත්තීමය තත්වයක් නොතිබුනි.ඔහුගේ සම්පූර්න අදායම ඇඩිලේහි දෙවන හෝල්ඩන් මාවතේ රතු ගඩොල් නිවසක් මිලදී ගැනීමට යන්තමින් සෑහුනි. 

7. බ්‍රැඩ්මන්, සචින්ගේ ඇසින් 

"මා ජීවිතයේ ලද විශාලතම තාග්‍යය වනුයේ ශ්‍රීමත් බ්‍රැඩ්මන් ඔහුගේ සර්වකාලීන ටෙස්ට් ක්‍රිකට් කන්ඩායම නම් කලවිට මාද එයට ඇතුලත් වී තිබීමයි. " - සචින් ටෙන්ඩුල්කාර් 

සචින්ගේ 24 වසරක ක්‍රීඩා දිවියේ අවසන් ඉනිම 

8. සචින්, බ්‍රැඩ්මන්ගේ ඇසින් 

" මම ඔහු පන්දුවට පහරදෙන අකාරය රූපවාහිනියෙන් දුටුවා.ඒ වෙලාවෙම මම මගේ බිරිදට කිව්වා ඇවිත් ඔහුගේ පිතිහරබය බලන්න කියලා.මම කවදාවත් මගේ පිතිහරබය දැකලා නෑ.ඒත් මට දැනුනා ඔහ් පන්දුවට පහර දෙන ආකාරය  මට සමානයි කියලා.එය මගේ බිරිදත් අනුමත කලා "- ශ්‍රීමත් ඩොනල්ඩ් බ්‍රැඩ්මන්

විශිටයන් දෙදෙනුකු අතුරින් විශිෂ්ටයා තේරීම සැබවින්ම අසීරු කරුනකි.ඔවුන්ගේ දක්ශතා එකිනෙකට වෙනස් වන අතර  ක්‍රීඩා කාලය,දක්ශතා,වෘත්තීමය තත්වයන් අනුව දෙදෙනාම එකිනෙකාට නොදෙවෙනි තරගයක නිරතවෙයි.මෙම කරුනු පදනම්ව ලොව පිතිකරුවන්ගේ සුපිරිතමයා තෝරගැනීම ඔබට බාරයි. 

Read More

ඔබට ආයුබෝවන් !!!!!!

ඔහු ආරම්භ ක පිතිකරුවෙකි,ලොව විශිෂ්ට ගනයේ පන්දු රකින්නෙකි,විටක ඔහු පන්දු යවන්නෙකි, නායකයෙකි, කඩුලු රකින්නෙකි මෙකී නොකී  ක්‍රිකට් ක්‍රීඩාවේ සියලුම දිශාවන්  ස්පර්ශ කල ඔහු සෑම අතින්ම විශිෂ්ටයෙකි.සනත් ජයසූරිය හැරුනු විට ලක්මව ලොවට දායාද කල සුපිරිතම ආරම්භක පිතිකරු ඔහුය. සනත් මෙන් දැවැන්ත හයේ පහරවල් එල්ල නොකලද කල් යල් බලා ඔහුගෙන් එල්ලවන පහරවල් හතරේ සීමාව පසු කර යන්නෙ පන්දුරකින්නන් ප්‍රේක්ශකයන් බවට පත්කරවමිනි.ඒ ඔහුටම සුවිශේශීවූ පිතිහරබ රටාවකිනි, පිටියේ සතර දිශාවටම ගිනිකෙලි පෙන්වූ ඔහු අවසන කඩුලු රකින්නටද තම පිත්තේ හැකියාව පෙන්නුම් කරේ   කඩුල්ල පිටුපසින්ද පන්දුව හතරේ සීමවට යොමුකරමින්ය.

ඔහු පිටදග පන්දුයවන්නෙකි.ඔහුගේ පන්දු අභියස ලොව සුපිරිතම පිතිකරුවන් පවා අසරන විය.වෙසෙසින්ම වමත් පිතිකරුවන්ට ඔහු මාරකයක්ම විය.පන්දු රකින විට ඔහු පියාපත් ලද්දෙකු විය.ගුවනේ පියබා ගොස් අසීරු උඩපන්දුවක් රැකගැනීමට ඔහු තුල පැවතියේ නිසග හැකියාවකි.ඔහු නමින් තිලකරත්න මුදියන්සේලාගේ දිල්ශාන් එසේ නැතිනම් ලොවම හදුනන පරිදි තිලකරත්න දිල්ශාන්ය. 

නවකයෙකු වෙනුවෙන් තම ස්ථානය පිරිනමමින් මින් දින කීපයකට පෙර ටෙස්ට් ක්‍රිකට් දිවියට සමුදුන් ඔහු ලක්මව වෙනුවෙන් පුරා දාහතර වසරක් හෙලූ දා බිදු උදෙසා ඔහුට ගරුකරනු වස් ඔහුගෙ ටෙස්ට් ක්‍රිකට් දිවිය පිලිබද මතක ආවර්ජනාවකි මේ. 

මින් වසර දාහතරකට පෙර සිම්බාබ්වේ කන්ඩායමට එරෙහිව ටෙස්ට් වරම් ලැබූ මැද පෙල පිතිකරුවෙකු ලෙස තම දෙවෙනි ටෙස්ට් තරගයේදීම ලකුනු 162ක් ලබමින් පැහැදිලි අනාගතයක පෙරමන් පිලිබිබු කලේය.තමා  ගැන නොසිතා තම කන්ඩායමේ අවශ්‍යතාව වෙනුවෙන් ඔහු ඕනෑම ස්ථානයක පන්දුවට පහර දීමට පැමිනියේය.විටක ඔහු කඩුලු රකින්නාගේ භූමිකාවටද පන පෙව්වේය.

නමුත් ඔහුට ටෙස්ට් ක්‍රිකට් කන්ඩායම තුල  නිශ්චිත ස්ථානයක් මෙන්ම බොහෝ අවස්තාවලදී අවසන් ක්‍රීඩකයන් එකොලහ තුලට පිවිසීමේ අවස්තාවද අහිමි විය.නමුත් ඉන් නොසැලුනු ඔහු තමන්ට ලැබෙන සීමිත අවස්තාවන්දී තම උපරිමය කන්ඩායම වෙනුවෙන් ලබාදුන්නේය.

තිලකරත්න දිල්ශාන් යනු කවරෙකුදැයි ලොව හදුනාගන්නේ 2009වසරේදීය.ඒ ඔහුට ආරම්භ ක පිතිකරුවෙකු ලෙස උසස්වීමක් ලැබීමත් සමගය.එක්දින හා විස්සයි විස්ස තරග රටාවේ පිතිහරබය උඩුයටිකුරු කිරීම හා එහිදී දැක්වූ සුවිශේශී සාර්තකත්වය  හේතුවෙන් ඔහුට එම වසරේ නවසීලන්ත කන්ඩායම සමග ආරම්භවුනු ටෙස්ට් ක්‍රිකට් තරගාවලියේ ශ්‍රී ලංකා ඉනිම ආරම්භ කිරීමට අවස්තාව උදාවිය. ඉන් පසු ඇරබුනේ දිල්ශාන්ගේ යුගයයි. 

එතෙක් ටෙස්ට් ක්‍රිකට් පිටියේ මැද පෙල පිතිකරුවෙකු ලෙස වසර දහයක් ක්‍රීඩා කරමින් ශතක අටක් පමනක් ලබා තිබුනු ඔහු ආරම්භක පිතිකරුවෙකු ලෙස තරග 29කට පමනක් සහබාගී වී තවත් ශතක අටක් තම ශතක ගොන්නට එක්කර ගනු ලැබුවේය.වරක් බංගලාදේශයට එරෙහිව ඉනිම් දෙකේදීම ශතක ලබමින් ඔහු දියත් කල පිතිහරබය සුවිශේෂී විය.

අර්බුද රැසක් මැද ශ්‍රී ලංකා ක්‍රිකට්  නායකත්වය  බාරගත් දිල්ශාන්ගේ  ටෙස්ට් නායකත්වය ඔහුට එතරම් සුබදායි නොවීය.නමුත් දකුනු  අප්‍රිකාවට ඔවුන්ගේ බිමේදීම එරෙහිව ඔහුගේ නයකත්වය යටතේ  ලබාගත් ටෙස්ට් ජයග්‍රහනය වාර්ථා පොතට එක්වන්නේ ලංකාව ලකුනු අප්‍රිකා භූමියේ ලැබූ පලමු ටෙස්ට් ක්‍රිකට් ජයග්‍රහනය ලෙසය.ක්‍රිකට් මහගෙදර වූ එංගලන්තයේ ලෝඩ්ස් පිටියේදී ඔහු රැස් කල 193 දිල්ශාන්ගේ ටෙස්ට් ක්‍රිකට් දිවියේ විශිෂ්ටතම ඉනිම ලෙස අවිවාදයෙන් සදහන් කල හැක. 

අර්බුද හමුවේ නායකත්වයේ කටු ඔටුන්නට සමුදුන් දිල්ශාන් ඉන්පසුව තවත් ටෙස්ට් ක්‍රිකට් තරග 10කට ක්‍රීඩාකරමින් ටෙස්ට් ශතක 4ක් රැස්කලේ නායකත්වය,රට වෙනුවෙන් යුතුකම් ඉටු කිරීමෙදී සලකාබැලෙන සාධකයක් නොවන බව පසක් කරමිනි. 

ඔහු ටෙස්ට් ක්‍රිකට් දිවියට තිත තබන දා මාධ්‍ය හමුවේදී නවකයන්ට දුන් උපදෙස වූයේ තිලකරත්න දිල්ශාන් එක රැයකින් බිහිවූ පිතිකරුවෙකු නොවන බවත්, තම සාර්තකත්වය පිටිපස  කැපකිරීම් හා අසීමිත  පුහුනුවක් ඇති බවයි.  

කෙසේ නමුත් ඔහු ටෙස්ට් ක්‍රිකට් දිවියෙන් සමුගෙන අවසන්ය.ඔහුගේ සමුගැනීමෙන්  ශ්‍රී ලංකා ටෙස්ට් කන්ඩායම තුල,අග්‍රගන්‍ය ආරම්භක පිතිකරුවෙකුගේ හා ලක් මව බිහිකර සුපිරිතම පන්දු රකින්නාගේ හිඩැසක් ඇති කරයි.  තිලකරත්න දිල්ශාන් ........ඔබට ආයුබෝවන්

Read More

ඩක්වර්ත් ඇන්ඩ් ලුවිස්ට අභියෝගයක් [ Jayadevan's system ] - I

වර්ශාවෙන් බදා වන සීමිත ඕවර ක්‍රිකට් තරග වල ජය පැරදුම තීරනයට අන්තර්ජාතික වශයෙන් පිලිගත් ක්‍රමවේදයක් බාවිතා කරනුයේ ඩක්වත් සහ ලුවිස් ක්‍රමවේදයයි.නමුත් ඩක්වර්ත් ලුවිස්හි  ප්‍රායෝගික භාවිතයේදී ගැටලු ඇතිවන් අවස්තා රාශියක් පහුගිය කාලෙයේදී දක්නට ලැබුනි. 

ඉන්දියාවේ කේරල ප්‍රදේශයේ වෙසෙන වෘත්තියෙන් සිවිල් ඉංජිනේරුවෙකු වන V. ජයදේවන් මහතා විසින් ඩක්වර්ත් සහ ලුවිස් ක්‍රමය සදහා විකල්පයක් හදුන්වා දුන් අතර එය Jayadevan system එසේ නැත්හොත් VJD method හදුන්වනු ලබයි. 

ජයදේවන් ක්‍රමවේදය කෙටියෙන් 

ජයදේවන් ක්‍රමය ප්‍රස්තාර දෙකක් මත පදනම් වේ. පලමු ප්‍රස්තාරය සාමාන්‍ය ලකුනු [ Normal Score] ලබා  ගැනීම මත පදනම් වන අතර [තරගයට බදාවක් ඇති නොවුනිනම් එනම් පිතිහරබයේ යෙදෙන කන්ඩායම සම්පූර්න් පන්දුවාර සංඛ්‍යා ක්‍රීඩාකලේ නම් බලපොරොත්තු වන ලකුනු ]සහ දෙවන ප්‍රස්තාරයෙන් [Target Score ] වැස්සෙන් බදාවුනි නම් නැවත තරගය ආරම්භවුන පසු කෙසේ ලකුනු ලබගැනීම් වේගවත් කල යුතු දැයි සදහන් වේ

එසේම සාමාන්‍ය ප්‍රස්තාරය පන්දුඕවර ප්‍රතිශතය [Over Percentage]සහ කඩුලු බිද වැටීමේ ප්‍රතිශතය කෙරෙහිද අවදානය යොමු කරයි.දෙවන ප්‍රස්තාරය පන්දුවාර  ප්‍රතිශතය ගැන පමනක් සැලකිලිමත් වන අතර එය නව ලකුනු ඉලක්කය ගනනය කිරීමට යොදා ගනී. 

ගනනය කිරීම කෙටියෙන් 

සාමන්‍ය ප්‍රස්තාරයෙන් ගනනය කිරීමෙදී එකී ප්‍රස්තාරයේ අංශ හතක් කෙරෙහි අවදානය යොමු කරයි. 

1. settling down -  ඉනිමක පන්දු ඕවර සංඛ්‍යාවෙන් පලමු 10% [ Ex - 50 *10% = පන්දු ඕවර 5 ]

2. exploiting field restrictions - ඉනිමේ ඕවර සංඛ්‍යාවෙන් මීලග 20 %  [ ඕවර 6 සිට 15  දක්වා]
3. stabilising the innings i  - මීලග ඕවර 20% [ ඕවර  16 - 25]
4. stabilising the innings-II - මීලග ඕවර 10% [ ඕවර 26-30 ]5. beginning the acceleration - මීලග ඕවර 20% [ ඕවර 31-40] 

6. secondary stage of acceleration - මීලග ඕවර 10% [ ඕවර 41- 45] 

7. final slog - අවසන් ඕවර 10% [ ඕවර 46- 50] 

ඉන්පසු සාමන්‍ය වක්‍රය වැඩිවන පන්දුවාර ප්‍රතිශතය හා ලබගන්නා ලකුනු අතර සුදුසු සමීකරනයක් ලබගනී.එනම් ඉහත සදහන් අංශ හතේදී ලබාගන්නා ලකුනු අනුව එකී අංශ හත අවරෝහන් පිලිවලට සකසන අතර ඉන්පසු පන්දුවාර ගනන [ cumulative overs % ] හා ලබා ගත ලකුනු [ cumulative runsscored %]  අතර සමීකරනයක් ලබාගනී 

ඕවර සංඛ්‍යාව  %	ඉලක්කය  %	සාමන්‍ය ලකුනු ප්‍රතිශතය බිද වැටුනු කඩුලු සංඛ්‍යාවට අනුව
		0	1	2	3	4	5	6	7	8	9
20	29.8	16.9	20.6	22.6	35.0	50.0	60.0	70.0	79.0	87.0	95.0
40	53.5	32.4	34.5	36.5	39.7	50.0	60.0	70.0	79.0	87.0	95.0
50	63.4	40.4	41.7	43.0	44.3	51.9	60.0	70.0	79.0	87.0	95.0
60	72.3	49.2	50.1	51.1	51.4	57.9	64.6	70.0	79.0	87.0	95.0
80	87.6	70.7	70.8	70.9	71.0	71.2	77.1	82.4	84.3	87.0	95.0

මෙම වගුව තීරු දොලහකින් සමන්විත් අතර ඕවර සංඛ්‍යාව ( ප්‍රතිශතයක් ලෙස) ඉලක්කය ප්‍රතිශතයක් ලෙස හා දැවීගිය  කඩුලුවලට සාපේක්ශව සාමන්‍ය ලකුනු සංඛ්‍යාව ඉන් නිරූපිතය.තරගයට බදාවීමට පෙර ක්‍රීඩාකල ඕවර සංඛ්‍යාවට අදාල දත්ත සාමන්‍ය ලකුනු තීරුවෙන් ලබාගන්න අතර,බදාවීමට පසු ඉලක්කය අනිකුත් තීරුවෙන් ලබා ගනී 

උදා- පලමු කන්ඩායම පන්දු ඕවර 50 තුල ලකුනු 280ක් ලබාගත් අතර දෙවන කන්ඩායම වර්ශාවෙන් බදා ඇති වන විට පන්දු ඕවර 40 කට පමනක් ක්‍රීඩා කර ඇතැයි සලකමු. 

එනම් ඔවුන් පන්දු ඕවර 50න් 40කට පමනක්  ක්‍රීඩාකර ඇති අතර එනම් මුලු පන්දු ඕවර ගනනින් 80% කි. ඉලක්කය 87.6%කි.එනම් පන්දු ඕවර 40 අවසන් වන විට ඔවුන් 246ක් ( 280 * 87.6%) ලබා ගෙනසිටිය යුතුය. 

ඩක්වර්ත් හා ලුවිස් සමගින් ජයදේවන්

ඩක්වර්ත් සහ ලුවිස් ක්‍රමයේදී ගනිතමය සම්බන්දයන් උපයෝගී කරගන්න අතර කන්ඩායමක් ඉනිම ආරම්බයේදී කුඩා ලකුනු ලබාගැනීමේ වේගයක් පවත්වා ගන්නා බවත් පසුව එනම් අවසන් ඕවර 10 -15 තුලදී එම වේගය විශාල වැඩිවීමක් ඇති බව උපකල්පනය කරයි.නමුත් ජයදේවන් ක්‍රමය මෙහිදී ඩක්වර්ත් සහ ලුවිස් ගනනයන්ට වඩා ප්‍රයෝගික වන් අතර එහිදී අවසන් ඕවර 15ට අමතරව power playභාවිතා කරන පලමු ඕවර 15තුලද ලකුනු ලබා ගැනීමේ ඉහල වේගයක් පවතින බව උපකල්පනය කරයි.එනම් ජයදේවන් විසින් ඩක්වර්ත් සහ ලුවිස් ක්‍රමවේදය තව දුරටත් දියුනු කිරීමට උත්සහ දරා ඇත.මේ නිසා ජයදේවන් ක්‍රමවේදය වර්තමාන ක්‍රීඩවට වඩත් ගැලපෙන බව උපකල්පනය කල හැකිය. 

ඩක්වර්ත් සහ ලුවිස් එක් ප්‍රස්තාරයක් ඇසුරින් සියලුම ගනනයන් ලබාගන්නා අතර ජයදේවන් ඒ සදහා ප්‍රස්තාර දෙකක් උපයෝගී කරගනී.සාමන්‍ය වක්‍රය පිතිකරනයේ යෙදෙන කන්ඩායම ලබාගත් ලකුනු පිලිබදව ගනනයන්ටද අනිත් වක්‍රය කන්ඩායම ලබ ගතයුතු ලකුනු පිලිබදව ගනනයන්ටද යොදා ගනී. 

ජයදේවන් විසින් කන්ඩායම පන්දුවට පහට දෙන විට පලමුව ඕවර 50 සදහා සූදානමින් පැමිනෙන බවද වැස්සෙන් බදා ඇති විනිනම් ඊට අනුරූපීව තම තරග උපක්‍රම වෙනස් කරන බවද උපකල්පනයක්‍රමින් තම් වක්‍රයන් නිර්මානය කර ඇත. උපකල්පන හා වක්‍රයන් භාවිතයේ වෙනස් කම් නිසා 

කෙසේනමුත් සාමන්‍ය වක්‍රය ඕවර සාමන්‍යය හා කඩුලු බිදවැටීම් යන් කරුනු දෙකම සලකනු ලැබුවද දෙවන් වක්‍රය පන්දුවාර ප්‍රතිශතය පමනක් .සලකයි.එනම් කඩුලු බිද වැටීම් ගැන අවදානය යොමු නොකරයි.එය එහි අඩුපාඩුවකි. [ ඉහත උදාහරනය සලකන්න. එහි 280 සදහා ඉලක්කය සකසන විට කඩුලු වැටීම් සම්බන්දව සලකා නොමැත] 

Read More